На 450 гектарах сёлета ў КСУПе “Коленскае” размесцяцца пасевы азімага рапсу. На цяперашні час працаўнікі гаспадаркі актыўна вядуць сяўбу гэтай алейнай культуры.

З вышэйазначанай плошчы азімы рапс у сельгаспрадпрыемстве пасеяны на амаль трохстах гектарах. Па тэмпах работ на сяўбе рапсу КСУП з’яўляецца зараз лідарам у раёне. А сталася гэта дзякуючы плённай працы механізатараў, якія задзейнічаны на сяўбе рапсу, Віктара Галавача і Фёдара Краўцова, а таксама іх калег Уладзіміра Пятрашкі і Мікалая Гулюты, якія вядуць падрыхтоўку глебы пад сяўбу.

С. МІКАЛАЕЎ.