Дзевятага ліпеня ў райцэнтры пройдзе Жыткавіцкі рэгіянальны інвестыцыйны форум “ Паспяховыя інвестыцыі — аснова ўстойлівага развіцця рэгіёна, узаемавыгаднага супрацоўніцтва і партнёрства”.

На форум запрашаюцца кіраўнікі органаў дзяржаўнага кіравання, прадстаўнікі дзелавых колаў. У іх будзе магчымасць азнаёміцца з эканамічным патэнцыялам раёна, а таксама ім прадставяць шэраг інвестыцыйных праектаў у сферах турызму, перапрацоўчай прамысловасці, гандлю і будаўнічым комплексе. На продаж ці ў арэнду інвестарам прапануюць восем зямельных участкаў для будаўніцтва сацыяльна-значымых аб’ектаў і 5 невыкарыстоўваемых аб’ектаў нерухомасці і столькі ж для арганізацыі вытворчасці. Арганізатары форума спадзяюцца, што гэтыя прапановы зацікавяць інвестараў і мерапрыемства адзначыцца многімі паспяховымі зделкамі.

С. МІКАЛАЕЎ.