Ранні сыход снежнага покрыва і прагназуемыя маразы пагражаюць стану азімых культур.

Раённая інспекцыя па насенняводству, каранціну і ахове раслін штомесячна адсочвае іхнюю жыццяздольнасць. У пробах, узятых для аналізу ў канцы снежня і першага лютага, не выяўлена загінуўшых расткоў. Але ці захаваецца такая якасць усходаў азімых пшаніцы, жыта, трыцікале, рапсу і ўпершыню пасеянага ячменю, прадказаць цяжка. Аптымальнымі ўмовамі для іхняй зімоўкі з’яўляецца тоўстая белая “коўдра” і невялікія маразы, якімі пакуль радавала нас гэтая зіма.