Спецыялісты Жыткавіцкай райветстанцыі пастаянна вядуць работу па прафілактыцы афрыканскай чумы свінней.  Гэтая дзейнасць закранае не толькі гаспадаркі, але і лясныя абшары. У апошніх штогод вядзецца адстрэл дзікоў, якія з’яўляюцца пераносчкамі захворвання. Летась ва ўгоддзях лесакарыстальнікаў: Жыткавіцкага лясгаса і філіяла “Ласіны востраў” акцыянернага таварыства “Тураўшчына” іх спецыялістамі  знішчана адпаведна 16 и 37 клыкастых. Тушы забітых жывёлін даследаваны ў лабараторыі і ўтылізаваны ў спецыяльных магільніках, якіх на тэрыторыі раёна абсталявана два.