Васямнаццаць удзельнікаў па швейцарскай сістэме ў шэсць тураў вызначылі мацнейшых. Саперніцтва пачалося з урачыстасці. Вялікі аматар шахмат, неаднаразовы чэмпіён раёна, прызёр абласных і рэспубліканскіх турніраў Уладзімір Тарасевіч напярэдадні адзначыў 75-гадовы юбілей. Са знакавай падзеяй яго павіншавалі калегі і ўручылі памятны падарунак. Уладзімір Мікалаевіч – не толькі добры гулец, але і выдатны арганізатар. Ён праводзіць вялікую работу ў рэгіёне па папулярызацыі шахмат, за што і мае вялікую пашану ў аматараў гульні і ўдзячнасць.

А святочнае саперніцтва выйграў Аляксандр Бруцкі, які набраў 5,5 ачка. Другое і трэцяе месцы занялі Юрый Доваль і Арцём Струнец з 4,5 бала.