На вуліцы Савецкай каля раённай бальніцы распачалася закладка сквера Здароўя.
Гэты праект на месцы пусткі ажыццяўляецца па ініцыятыве старшыні райвыканкама Мікалая П’яўко. У яго рэалізацыі ўдзельнічаюць будаўнічыя арганізацыі ПМК-76 і ПМК-97, дарожныя – ДЭУ-48 і ДЭУ-111, а таксама КУП “Жыткавіцкі камунальнік”.
Як расказала намеснік начальніка аддзела жыллёва-камунальнай гаспадаркі, архітэктуры і будаўніцтва райвыканкама Марына Злобіч, тут будуць пакладзены пешаходныя дарожкі, усталяваны некалькі альтанак і лавачак. Зону ўпрыгожаць клумбы і зялёныя насаджэнні. Таксама распрацоўваюцца малыя архітэктурныя формы, які я б тэматычна адлюстравалі назву сквера. Месца адпачынку адасобяць ад гарадской мяжы дэкаратыўнай агароджай і ўсталююць дадатковую апору для асвятлення.

Зараз рабочыя займаюцца планаваннем тэрыторыі і ўкладкаю пешаходных дарожак. Завяршыць будаўнічыя работы плануецца бягучай вясной.