Нягледзячы на ўсе цяжкасці эканамічнага кшталту на Жыткавіцкім маторабудаўнічым заводзе за першы квартал 2015 года тэмп росту выручкі ад рэалізацыі прадукцыі ў разліку на аднаго занятага ў параўнанні з адпаведным перыядам папярэдняга года склаў 109,2 працэнта. па тэмпу росту выпрацоўкі па валаваму дабаўленаму кошту на аднаго працуючага гэты паказчык склаў 106,3 працэнта.

Станоўчыя здабыткі дасягнуты і па некаторых другіх немалаважных пазіцыях. Так, суадносіны экспарту тавараў і аб’ёмаў прамысловай вытворчасці склалі 44,1 працэнта, а суадносіны экспарту тавараў з паслугамі і аб’ёмаў прамысловай вытворчасці – 50,5 працэнта. Сальда па знешнеэканамічнай дзейнасці з паслугамі атрымана на ўзроўні 457,2 тысячы долараў ЗША. Пры даведзеным заданні “мінус” 7 працэнтаў паказчык па энергазабеспячэнні склаў “мінус” 7,9.

За студзень-сакавік 2015 года аб’ём адгружанай працукцыі ў краіны далёкага замежжа вырас практычна ў 2 разы і склаў 2,2 мільярда беларускіх рублёў. Ажыццяўляліся адгрузкі прадукцыі ў Егіпет, заключана дамова з В’етнамам. Вядуцца перамовы аб пастаўках помпавых шасцярон у Пакістан.

Сяргей ВІЛЬЧЫК.